ഉത്രാട പൂനിലാവേ (Uthrada Poonilave)

ഓണപ്പാട്ട് (Onappattu)
രചന:ശ്രീകുമാരൻ തമ്പി
സംഗീതം:രവീന്ദ്രൻ
ആലാപനം‌:യേശുദാസ്

സരിഗപനി സ പ ഗ രി നി
സപഗപ രിഗസരി സരിഗ സരിഗ സരിഗ സരിഗ
പസനിസ പനിഗപ രിഗപ രിഗപ രിഗപ രിഗപ
രിഗരി നിരിനി പനിപ ഗപഗ രിഗസരി സരിഗ സരിഗ സരിഗ സരിഗ സാ ഗാ ഗാ

ഉത്രാട പൂനിലാവേ വാ മുറ്റത്തെ പൂക്കളത്തിൽ വാടിയ പൂവണിയിൽ
ഇത്തിരി പാൽ ചുരത്താൻ വാ വാ വാ
ഉത്രാട പൂനിലാവേ വാ മുറ്റത്തെ പൂക്കളത്തിൽ വാടിയ പൂവണിയിൽ
ഇത്തിരി പാൽ ചുരത്താൻ വാ വാ വാ
ഉത്രാട പൂനിലാവേ വാ

കൊണ്ടൽ വഞ്ചി മിഥുന കാറ്റിൽ കൊണ്ട് വന്ന മുത്താരങ്ങൾ
കൊണ്ടൽ വഞ്ചി മിഥുന കാറ്റിൽ കൊണ്ട് വന്ന മുത്താരങ്ങൾ
മണി ചിങ്ങം മാലയാക്കി അണിഞ്ഞുവല്ലോ
പുലരുന്ന പൊന്നോണത്തെ പുകഴ്ത്തുന്ന പൂവനങ്ങൾ
പുതക്കും പൊന്നാടയായ് നീ വാ വാ വാ

ഉത്രാട പൂനിലാവേ വാ മുറ്റത്തെ പൂക്കളത്തിൽ വാടിയ പൂവണിയിൽ
ഇത്തിരി പാൽ ചുരത്താൻ വാ വാ വാ
ഉത്രാട പൂനിലാവേ വാ

തിരുവോണത്തിൻ കോടിയുടുക്കാൻ കൊതിക്കുന്നു തെരുവിൻ മക്കൾ
തിരുവോണത്തിൻ കോടിയുടുക്കാൻ കൊതിക്കുന്നു തെരുവിൻ മക്കൾ
അവർക്കില്ല പൂമുറ്റങ്ങൾ പൂ നിരത്തുവാൻ
വയറിന്റെ രാഗം കേട്ടേ മയങ്ങുന്ന വാമനന്മാർ
അവർക്കോണ കോടിയായ് നീ വാ വാ വാ

ഉത്രാട പൂനിലാവേ വാ മുറ്റത്തെ പൂക്കളത്തിൽ വാടിയ പൂവണിയിൽ
ഇത്തിരി പാൽ ചുരത്താൻ വാ വാ വാ
ഉത്രാട പൂനിലാവേ വാ മുറ്റത്തെ പൂക്കളത്തിൽ വാടിയ പൂവണിയിൽ
ഇത്തിരി പാൽ ചുരത്താൻ വാ വാ വാ
ഉത്രാട പൂനിലാവേ വാ

ആര്‍ദ്രമീ ധനുമാസ (Ardramee Dhanumasa)

സഫലമീ യാത്ര (Safalamee Yathra)

എന്‍ .എന്‍ . കക്കാട്‌

ആര്‍ദ്രമീ ധനുമാസ രാവുകളിലൊന്നില്‍ ആതിര വരും പോകുമല്ലേ സഖീ
ആര്‍ദ്രമീ ധനുമാസ രാവുകളിലൊന്നില്‍ ആതിര വരും പോകുമല്ലേ സഖീ
ഞാനീ ജനലഴി പിടിച്ചൊട്ടു നില്‍ക്കട്ടെ നീയെന്നണിയത്തു തന്നെ നില്‍ക്കൂ
ഈ പഴങ്കൂടൊരു ചുമയ്ക്കടി ഇടറി വീഴാം
വ്രണിതമാം കണ് ഠത്തില്‍ ഇന്നു നോവിത്തിരി കുറവുണ്ട്
വളരെ നാള്‍ കൂടി ഞാന്‍ നേരിയ നിലാവിന്റെ
പിന്നെ അനന്തതയില്‍ അലിയും ഇരുള്‍ നീലിമയില്‍
എന്നോ പഴകിയൊരോര്‍മ്മകള്‍ മാതിരി നിന്നു വിറക്കുമീ ഏകാന്ത താരകളെ
ഇന്നൊട്ട് കാണട്ടെ നീ തൊട്ടു നില്‍ക്കൂ

ആതിര വരുന്നേരമൊരുമിച്ച് കൈകള്‍ കോര്‍ത്തെതിരേല്‍ക്കണം നമുക്കിക്കുറി
ആതിര വരുന്നേരമൊരുമിച്ച് കൈകള്‍ കോര്‍ത്തെതിരേല്‍ക്കണം നമുക്കിക്കുറി
വരും കൊല്ലമാരെന്നുമെന്തെന്നുമാര്‍ക്കറിയാം
ആതിര വരുന്നേരമൊരുമിച്ച് കൈകള്‍ കോര്‍ത്തെതിരേല്‍ക്കണം നമുക്കിക്കുറി
വരും കൊല്ലമാരെന്നുമെന്തെന്നുമാര്‍ക്കറിയാം

എന്ത് നിന്‍ മിഴിയിണ തുളുമ്പുന്നുവോ സഖീ ചന്തം നിറക്കുകീ ശിഷ്ടദിനങ്ങളില്‍
മിഴിനീര്‍ ചവര്‍പ്പ് പെടാതീ മധുപാത്രം അടിയോളം മോന്തുക
നേര്‍ത്ത നിലാവിന്റെ അടിയില്‍ തെളിയുമിരുള്‍ നോക്ക്
ഇരുളിന്റെ അറകളിലെ ഓര്‍മ്മകളെടുക്കുക ഇവിടെ എന്തോര്‍മ്മകളെന്നോ

നെറുകയിലിരുട്ടേന്തി പാറാവ്‌ നില്‍ക്കുമീ തെരുവ് വിളക്കുകള്‍ക്കപ്പുറം
പധിതമാം ബോധത്തിനപ്പുറം ഓര്‍മ്മകള്‍ ഒന്നും ഇല്ലെന്നോ ഒന്നുമില്ലെന്നോ

പല നിറം കാച്ചിയ വളകള്‍ അണിഞ്ഞും അഴിച്ചും
പല മുഖം കൊണ്ട് നാം തമ്മില്‍ എതിരേറ്റും
പല നിറം കാച്ചിയ വളകള്‍ അണിഞ്ഞും അഴിച്ചും
പല മുഖം കൊണ്ട് നാം തമ്മില്‍ എതിരേറ്റും
എന്തും പരസ്പരം മോഹിച്ചും പതിറ്റാണ്ടുകള്‍ നീണ്ടോരീ
അറിയാത്ത വഴികളില്‍ എത്ര കൊഴുത്ത ചവര്‍പ്പ് കുടിച്ചു വറ്റിച്ചു നാം
ഇത്തിരി ശാന്തിതന്‍ ശര്‍ക്കര നുണയുവാന്‍ ഓര്‍മ്മകളുണ്ടായിരിക്കണം
ഒക്കെയും വഴിയോര കാഴ്ചകളായി പിറകിലേക്കോടി മറഞ്ഞിരിക്കാം
പാതിയിലേറെ കടന്നുവല്ലോ വഴി പാതിയിലേറെ കടന്നുവല്ലോ വഴി

ഏതോ പുഴയുടെ കളകളത്തില്‍ ഏതോ മലമുടി പോക്കുവെയിലില്‍
ഏതോ നിശീഥത്തിന്‍ തേക്ക് പാട്ടില്‍ ഏതോ വിജനമാം വഴി വക്കില്‍ നിഴലുകള്‍ നീങ്ങുമൊരു താന്തമാം അന്തിയില്‍

പടവുകളായ് കിഴക്കേറെ ഉയര്‍ന്നു പോയ്
കടു നീല വിണ്ണില്‍ അലിഞ്ഞുപോം മലകളില്‍

പടവുകളായ് കിഴക്കേറെ ഉയര്‍ന്നു പോയ്
കടു നീല വിണ്ണില്‍ അലിഞ്ഞുപോം മലകളില്‍
പുളയും കുരുത്തോല തെളിയുന്ന പന്തങ്ങള്‍
വിളയുന്ന മേളങ്ങള്‍ ഉറയുന്ന രാവുകളില്‍
എങ്ങാനോരൂഞ്ഞാല്‍ പാട്ട് ഉയരുന്നുവോ സഖീ
എങ്ങാനോരൂഞ്ഞാല്‍ പാട്ട് ഉയരുന്നുവോ
ഒന്നുമില്ലെന്നോ ഒന്നുമില്ലെന്നോ

ഓര്‍മ്മകള്‍ തിളങ്ങാതെ മധുരങ്ങള്‍ പാടാതെ
പാതിരകള്‍ ഇളകാതെ അറിയാതെ
ആര്‍ദ്രയാം ആര്‍ദ്ര വരുമെന്നോ സഖീ
ആര്‍ദ്രയാം ആര്‍ദ്ര വരുമെന്നോ സഖീ

ഏതാണ്ടൊരോര്‍മ്മ വരുന്നുവോ ഓര്‍ത്താലും ഓര്‍ക്കാതിരുന്നാലും
ആതിര എത്തും കടന്നുപോമീ വഴി നാമീ ജനലിലൂടെതിരേല്‍ക്കും
ഇപ്പഴയോരോര്‍മ്മകള്‍ ഒഴിഞ്ഞ താലം 

തളര്‍ന്നൊട്ടു വിറയാര്‍ന്ന കൈകളിലേന്തി
അതിലൊറ്റ മിഴിനീര്‍ പതിക്കാതെ മനമിടറാതെ

കാലമിനിയുമുരുളും വിഷു വരും വര്‍ഷം വരും തിരുവോണം വരും

കാലമിനിയുമുരുളും വിഷു വരും വര്‍ഷം വരും തിരുവോണം വരും
പിന്നെയോരോ തളിരിനും പൂ വരും കായ് വരും
അപ്പോളാരെന്നും എന്തെന്നും ആര്‍ക്കറിയാം
നമുക്കിപ്പോഴീ ആര്‍ദ്രയെ ശാന്തരായ് സൗമ്യരായ് എതിരേല്‍ക്കാം
വരിക സഖീ അരികത്തു ചേര്‍ന്ന് നില്‍ക്കൂ
പഴയൊരു മന്ത്രം സ്മരിക്കാം അന്യോന്യം ഊന്നുവടികളായി നില്‍ക്കാം
ഹാ സഫലമീ യാത്ര
ഹാ സഫലമീ യാത്ര

Download

പ്രണയം വിടരും (Pranayam Vidarum)

ഒരുദലമര്‍മ്മരം (OruDalaMarmmaram)

പ്രണയം വിടരും വീഥിയില്‍
വിരഹം വിധിയായ്  വീണ്ടും
ഓര്‍മ്മകള്‍ കൈവള ചേര്‍ത്ത് വെച്ചു
ഒരായിരം മോഹങ്ങള്‍ കോര്‍ത്ത്‌ വെച്ചു

പറയാതെ പറയുന്ന പരിഭവങ്ങള്‍
പ്രിയമാര്‍ന്ന പ്രിയയുടെ നൊമ്പരങ്ങള്‍
ഉണരുന്ന മനസ്സിനെ താളത്തിലേതോ
വിരഹാര്‍ദ്ര യാമങ്ങള്‍ താലോലിപ്പൂ
വിരഹാര്‍ദ്ര യാമങ്ങള്‍ താലോലിപ്പൂ

പ്രിയനു  നീ നല്‍കിയ ചുംബനങ്ങള്‍
ചെഞ്ചുണ്ടിലെ നറുതേന്‍ കണങ്ങള്‍
നിന്‍ മിഴികോണിലെ കാമനകള്‍
എന്‍ മാരിവില്ലിനെ ചേര്‍ത്തു വെച്ചു
എന്‍ മാരിവില്ലിനെ ചേര്‍ത്തു വെച്ചു

പ്രണയം വിടരും വീഥിയില്‍
വിരഹം വിധിയായ്  വീണ്ടും
ഓര്‍മ്മകള്‍ കൈവള ചേര്‍ത്ത് വെച്ചു
ഒരായിരം മോഹങ്ങള്‍ കോര്‍ത്ത്‌ വെച്ചു

ഓര്‍മ്മകളുടെ താരാട്ട് (Ormmakalude Tharattu)

ഓര്‍മ്മകളുടെ താരാട്ട്  (Ormmakalude Tharattu)

കണ്ണുകള്‍ കഥ പറയും നേരം
കണ്ണുനീര്‍ മൗനമായ് കാവല്‍ നില്‍പ്പു
കരയരുതെന്‍ മണി തുമ്പീ നീ
വിധിയുടെ വീഥിയില്‍ മൂകമായി
വെറുതെയിരിക്കുന്ന നേരത്ത് നിന്നില്‍
നിന്നൊരു കുഞ്ഞു പൂവെറിഞ്ഞതോര്‍മ്മകളായ്
ആര്‍ദ്രമായ്‌ എന്‍ മിഴിക്കോണുകള്‍
തഴുകിയാ പൂവിന്ന് ഊഴിയില്‍ വീണുടഞ്ഞു
കൂരിരുള്‍ മൂടുമെന്‍ ജീവിത വനികയില്‍
ചന്ദ്രികേ ചന്ദനം തൊട്ടന്നു നീ
മഴയുടെ മര്‍മ്മരം മനസ്സിലിന്നോര്‍മ്മയായ്
മൃദുല വികാരങ്ങള്‍ മഞ്ഞുതുള്ളിയായ്
ഇനിയൊരു വസന്തം തളിരിടുമോ നിന്നില്‍
ഇനിയൊരു മഴവില്‍ പൂവിടുമോ..
ഇനിയൊരു മഴവില്‍ പൂവിടുമോ...
അകലുമെന്നാകിലും എന്‍ മോഹവല്ലരിയില്‍
അനന്തമായ് ഓര്‍മ്മകള്‍ നിറഞ്ഞു നില്‍പ്പൂ
ഓര്‍മ്മകള്‍ മാത്രമായ് വീഥിയതില്‍
ഓര്‍മ്മകള്‍ മാത്രമായ് വീഥിയതില്‍

പുനര്‍ജനി

പുനര്‍ജനി

വെണ്‍മേഘ തേരിലേറി തിങ്കള്‍ വരവായി വീണ്ടും
സ്വപ്‌നങ്ങള്‍ പങ്കുവെച്ചൊരാ വിണ്ണിന്‍ വീഥിയില്‍
വര്‍ണങ്ങള്‍ വാരി വിതറും എന്റെ കലാലയ വഴിയില്‍
കാലം മായ്ക്കാത്തൊരാ കാല്‍പാടുകള്‍ തേടി

ഓര്‍മ്മകള്‍ താരാട്ടും ആ സ്വപ്ന ഭൂവില്‍ വീണ്ടും
വന്നു ചേരും നേരമിന്നിതാ
മൗനമായ് പുല്‍കീടും മനതാരില്ലേ കുഞ്ഞു പൂക്കള്‍
ഓമനിക്കാന്‍ നേരമായിതാ

പ്രിയമോലും സംഗമങ്ങള്‍ വീണ്ടും വിടരുന്നിവിടെ
പുത്തന്‍ ഓര്‍മ്മകള്‍ പൂവിടുമിവിടെ
അലയായ്‌ അകതാരില്‍ നിറഞ്ഞിടുമെന്നോര്‍മ്മകള്‍
തഴുകുമ്പോള്‍ നിറയുന്നിതെന്‍ മിഴികോണുകള്‍

മഴതുള്ളി..

മഴതുള്ളി..

പ്രിയസഖി നീ പിരിഞ്ഞു പോകുവന്തെന്തിന്

ഓര്‍മ്മകള്‍ മാത്രമിന്നെനിക്ക് നല്‍ക്കി

വിതുമ്പും ഓര്‍മ്മകള്‍ മാത്രമിന്നെനിക്ക് നല്‍കി

അന്നൊരാ നാളില്‍ ഒന്നും ഉരിയാടാതെ
എങ്ങോ നീ പറന്നു പോയതല്ലേ സഖി
നിന്റെയീ മൗനം കനലെരിയും സ്വപ്നങ്ങളായ്
കാവിലെ കല്‍വിളക്കിലെ തിരിനാളമായ്‌

വാടിയപൂവുകള്‍ വിടരുകില്ലെന്നറിയുമെന്നാകിലും
വെറുതെ വെറുതെ മോഹിപ്പൂ ഞാന്‍
ഒരു നാള്‍ കുളിര്‍ തെന്നല്‍ തഴുകിയെത്തും
എന്റെ മിഴികോണുകളില്‍ പൂവിടര്‍ത്തും

പ്രിയസഖി നീ പിരിഞ്ഞു പോകുവന്തെന്തിന്
ഓര്‍മ്മകള്‍ മാത്രമിന്നെനിക്ക് നല്‍ക്കി
വിതുമ്പും ഓര്‍മ്മകള്‍ മാത്രമിന്നെനിക്ക് നല്‍കി

നീലാംബരി

നീലാംബരി

രാവിന്റെ വിരിമാറില്‍ നീലാംബലായ് സഖീ
നിലാവിന്റെ വെണ്‍ പുഷ്പ്പം ചൂടി നാണത്താല്‍
സുവര്‍ണ്ണ മേഘമേ ചൈത്ര നിലാവേ ഈ മെയ്യില്‍
കനക സ്വപ്നം പെയ്യിക്കുന്നതാരുടെ നയനങ്ങള്‍

കുളിര്‍ചൂടും അലയിടും പൂക്കാലം എന്നുമീ
പൂവാട അണിയിക്കാന്‍ കാത്തു നില്പൂ
പൂക്കളില്‍ ഉതിരുന്ന ചുംബനം ഏറ്റു
പ്രണയ ശയ്യയില്‍ വീണുടയുന്നതെന്‍ മനമോ

കൊട്ടരവാതില്‍ തുറന്നുവല്ലോ മെല്ലെ
നിന്‍ പാദസരത്തിന്‍ കൊഞ്ചല്‍ കേട്ടു ഞാനാ വേളയില്‍
വിളയാടാന്‍ പതിയെ എന്‍ മാറിന്റെ ചൂടില്‍
നൂറുസ്വപ്‌നങ്ങള്‍ തീര്‍ക്കുവതല്ലോ എന്‍ പ്രിയതമന്‍

ചന്ദന പുഴ ഒഴുകുമീ മിഴികളില്‍ ഓര്‍മ്മകള്‍ തന്‍ താരാട്ട്
കാതില്‍ ആരോ മധുരുമായ് ഒതുവതെന്തോ
പ്രാണപ്രേയസീ നിന്‍ പ്രണയകാവ്യം
വീണുടഞ്ഞു വിണ്ണിലെ താരക മുത്തുകള്‍ 

ദലമര്‍മ്മരം

ദലമര്‍മ്മരം

പെയ്തൊഴിയാതെ മനസ്സില്‍ ഒരായിരം കിനാക്കള്‍
ഇന്നലെ പെയ്ത മഴയില്‍ നിന്നോര്‍മ്മകള്‍ തന്‍ വളകിലുക്കം
മൗനം മൗനത്തെ പുല്‍കുമീ രാവില്‍
മാടപ്രാവേ നിന്നോര്‍മ്മതന്‍ ദീപം തെളിഞ്ഞു

പാടട്ടെ ഞാനാ പാട്ടൊന്നു വീണ്ടും
പാതിയില്‍ കൊഴിഞ്ഞോരാ പനിനീര്‍ പൂക്കള്‍
ഒരു ദലം മാത്രമെന്നോര്‍മ്മതന്‍ വീഥിയില്‍
അടരാതെ പൊഴിയാതെ കാത്തു വെച്ചു

ചിത്തിരരാവ്

ചിത്തിരരാവ്

ചിത്തിര പൂവിട്ട പുണ്ണ്യ വസന്തമേ
മഞ്ഞണി കൊമ്പിലെ മഞ്ഞ മന്ദാരമേ
നിന്‍ മിഴികോണിലിന്നെന്തിനീ പരിഭവം
നിന്‍ മൊഴിക്കൂട്ടുകള്‍ക്കെന്തേയീ മൗനം

വര്‍ണ്ണങ്ങള്‍ വിടരും നിന്‍ മനോവാടിയില്‍
ഒരു വേഴാമ്പലായ് ഞാന്‍ വന്നണഞ്ഞു
അന്നൊരാ സന്ധ്യതന്‍ പൂമര ചില്ലയില്‍
കൂടുകൂട്ടും ഇണ കിളികളായ് നാം

കാതര മിഴികളില്‍ കണ്ണുനീര്‍ തുള്ളികള്‍
കാമിനി നിന്‍ ചൊടികളില്‍ കറുകനാമ്പ്
ഗന്ധര്‍വ ഗീതിക പാടുമീ രാവിന്റെ
മാറിലെ മണിമുത്ത് മൗനമായ് പുല്‍കി ഞാന്‍

പ്രണയവല്ലരി

പ്രണയവല്ലരി

      പ്രണയവല്ലരി ഒരു ഓര്‍മ്മക്കൂട്ടാണ്.മോഹങ്ങളും സ്വപ്നങ്ങളും തഴുകിയുണര്‍ത്തിയ മൂക വികാരങ്ങള്‍ വരികളാകുന്നു.മനസ്സിനെ തലോടി മാഞ്ഞുപോയ മഞ്ഞുകണങ്ങള്‍ മൗനങ്ങളാകുന്നു.പ്രണയാര്‍ദ്രമാം സന്ധ്യതന്‍ വിരിമാറില്‍ മയങ്ങിയ നിലാതെന്നല്‍ ഓര്‍മ്മകുളുടെ ചായക്കൂട്ടുകള്‍ പുല്‍കുന്നു.