സ്വപ്നങ്ങളേ വീണുറങ്ങൂ (Swapnangale Veenurangu)

ചിത്രം:തകിലുകൊട്ടാംമ്പുറം (Thakilukottampuram)

രചന:ബാലു കിരിയത്ത്

സംഗീതം:ദര്‍ശന്‍ രാമന്‍

ആലാപനം:യേശുദാസ്‌

സ്വപ്നങ്ങളേ വീണുറങ്ങൂ മോഹങ്ങളേ ഇനിയുറങ്ങൂ
മധുര വികാരങ്ങള്‍ ഉണര്‍ത്താതെ മാസ്മര ലഹരിപ്പൂ വിടര്‍ത്താതെ
ഇനി ഉറങ്ങൂ വീണുറങ്ങൂ
സ്വപ്നങ്ങളേ വീണുറങ്ങൂ മോഹങ്ങളേ ഇനിയുറങ്ങൂ

ജീവിതമാകുമീ വാല്മീകത്തിലെ മൂക വികാരങ്ങള്‍ വ്യര്‍ത്ഥമല്ലേ

ജീവിതമാകുമീ വാല്മീകത്തിലെ മൂക വികാരങ്ങള്‍ വ്യര്‍ത്ഥമല്ലേ
കളിയും ചിരിയും വിടരും നാളുകള്‍ കദനത്തിലേക്കുള്ള യാത്രയല്ലേ
കരയരുതേ മനസ്സേ നീയിനി കനവുകള്‍ തേടി അലയരുതേ

സ്വപ്നങ്ങളേ വീണുറങ്ങൂ മോഹങ്ങളേ ഇനിയുറങ്ങൂ

ചപല വ്യാമോഹത്തിന്‍ കൂരിരുള്‍ക്കൂട്ടില്‍ ബന്ധനം ബന്ധനം നിത്യസത്യം
ദാഹവും മോഹവും സ്വാര്‍ത്ഥമല്ലേ ഇവിടെ സ്വന്തവും ബന്ധവും മിഥ്യയല്ലേ
ദാഹവും മോഹവും സ്വാര്‍ത്ഥമല്ലേ ഇവിടെ സ്വന്തവും ബന്ധവും മിഥ്യയല്ലേ
കരയരുതേ മനുഷ്യാ നീയിനി കടവുകള്‍ തേടി അലയരുതേ

സ്വപ്നങ്ങളേ വീണുറങ്ങൂ മോഹങ്ങളേ ഇനിയുറങ്ങൂ
മധുര വികാരങ്ങള്‍ ഉണര്‍ത്താതെ മാസ്മര ലഹരിപ്പൂ വിടര്‍ത്താതെ
ഇനി ഉറങ്ങൂ വീണുറങ്ങൂ
സ്വപ്നങ്ങളേ വീണുറങ്ങൂ മോഹങ്ങളേ ഇനിയുറങ്ങൂ 

മ്    മ്   മ്  മ്    മ്   മ്  മ്    മ്   മ്  

Download

അല്ലിയാമ്പല്‍ (Alliyambal)

ചിത്രം:റോസി (Rosy)

രചന:പി.ഭാസ്കരന്‍

സംഗീതം:ജോബ്‌

ആലാപനം:യേശുദാസ്‌

അല്ലിയാമ്പല്‍ കടവിലന്നരയ്ക്കു വെള്ളം

അന്നു നമ്മളൊന്നായ് തുഴഞ്ഞില്ലെ കൊതുമ്പു വള്ളം
നമ്മുടെ നെഞ്ചിലാകെ അനുരാഗ കരിക്കിന്‍ വെള്ളം
അന്നു നെഞ്ചിലാകെ അനുരാഗ കരിക്കിന്‍ വെള്ളം

താമരപ്പൂ നീ ദൂരെ കണ്ടു മോഹിച്ചു
അപ്പോള്‍ താഴെ ഞാന്‍ നീന്തി ച്ചെന്നു പൂവു പൊട്ടിച്ചു
പിന്നെ തണ്ടൊടിഞ്ഞ താമര ഞാന്‍ കൊണ്ടു വന്നപ്പോള്‍
പെണ്ണേ നിന്‍ കവിളില്‍ കണ്ടു മറ്റൊരു താമരക്കാട്
പെണ്ണേ നിന്‍ കവിളില്‍ കണ്ടു മറ്റൊരു താമരക്കാട്

അല്ലിയാമ്പല്‍ കടവിലന്നരയ്ക്കു വെള്ളം

അന്നു നമ്മളൊന്നായ് തുഴഞ്ഞില്ലെ കൊതുമ്പു വള്ളം
നമ്മുടെ നെഞ്ചിലാകെ അനുരാഗ കരിക്കിന്‍ വെള്ളം

കാടു പൂത്തല്ലോ ഞാവല്‍ക്കാ പഴുത്തല്ലോ
ഇന്നും കാലമായില്ലെ എന്റെ കൈപിടിച്ചീടാന്‍
കാടു പൂത്തല്ലോ ഞാവല്‍ക്കാ പഴുത്തല്ലോ
ഇന്നും കാലമായില്ലെ എന്റെ കൈപിടിച്ചീടാന്‍
അന്നു മൂളിപ്പാട്ട് പാടിത്തന്ന മുളം തത്തമ്മേ
ഇന്നീ ആളൊഴിഞ്ഞ കൂട്ടിലെന്തേ വന്ന് ചേരാത്ത്
ഇന്നീ ആളൊഴിഞ്ഞ കൂട്ടിലെന്തേ വന്ന് ചേരാത്ത്

അല്ലിയാമ്പല്‍ കടവിലന്നരയ്ക്കു വെള്ളം

അന്നു നമ്മളൊന്നായ് തുഴഞ്ഞില്ലെ കൊതുമ്പു വള്ളം
നമ്മുടെ നെഞ്ചിലാകെ അനുരാഗ കരിക്കിന്‍ വെള്ളം
അന്നു നെഞ്ചിലാകെ അനുരാഗ കരിക്കിന്‍ വെള്ളം

Download

മംഗളം നേരുന്നു ഞാന്‍ (Mangalam Nerunnu Njan)

ചിത്രം:ഹൃദയം ഒരു ക്ഷേത്രം (Hrudayam Oru Kshethram)

രചന:ശ്രീകുമാരന്‍ തമ്പി

സംഗീതം:ജി.ദേവരാജന്‍

ആലാപനം:യേശുദാസ്‌

മംഗളം നേരുന്നു ഞാന്‍ മനസ്വിനീ മംഗളം നേരുന്നു ഞാന്‍
അലിഞ്ഞു ചേര്‍ന്നതിന്‍ ശേഷമെന്‍ ജീവനെ
പിരിഞ്ഞു പോയ്‌ നീ എങ്കിലും ഇന്നും മംഗളം നേരുന്നു ഞാന്‍

എവിടെയാണെങ്കിലും നിന്റെ സങ്കല്‍പ്പങ്ങള്‍ ഏഴു വര്‍ണ്ണങ്ങളും വിടര്‍ത്തട്ടേ
എന്നുമാ ജീവിത പൊന്‍മണിവീണയില്‍
സുന്ദരസ്വരധാര ഉണരട്ടേ ഉണരട്ടേ

മംഗളം നേരുന്നു ഞാന്‍ മനസ്വിനീ മംഗളം നേരുന്നു ഞാന്‍
അലിഞ്ഞു ചേര്‍ന്നതിന്‍ ശേഷമെന്‍ ജീവനെ
പിരിഞ്ഞു പോയ്‌ നീ എങ്കിലും ഇന്നും മംഗളം നേരുന്നു ഞാന്‍

നിറയുമീ ദുഖത്തിന്‍ ചുടുനെടുവീര്‍പ്പുകള്‍ നിന്‍മുന്നില്‍ തെന്നലായ്‌ ഒഴുകട്ടെ
ആ പുണ്യ ദാമ്പത്യ വര്‍ണ്ണവല്ലരിയില്‍ ആനന്ദമുകുളങ്ങള്‍ ജനിക്കട്ടേ ജനിക്കട്ടേ

മംഗളം നേരുന്നു ഞാന്‍ മനസ്വിനീ മംഗളം നേരുന്നു ഞാന്‍
അലിഞ്ഞു ചേര്‍ന്നതിന്‍ ശേഷമെന്‍ ജീവനെ
പിരിഞ്ഞു പോയ്‌ നീ എങ്കിലും ഇന്നും മംഗളം നേരുന്നു ഞാന്‍



Download

ആയിരം പാദസരങ്ങള്‍ (Ayiram Padasarangal)

ചിത്രം:നദി (Nadi)

രചന:വയലാര്‍

സംഗീതം:ജി.ദേവരാജന്‍

ആലാപനം:യേശുദാസ്‌

ആയിരം പാദസരങ്ങള്‍ കിലുങ്ങി ആലുവാപ്പുഴ പിന്നെയുമൊഴുകി
ആരും കാണാതെ ഓളവും തീരവും ആലിംഗനങ്ങളില്‍ മുഴുകി..മുഴുകി
ആയിരം പാദസരങ്ങള്‍ കിലുങ്ങി ആലുവാപ്പുഴ പിന്നെയുമൊഴുകി

ഈറനായ നദിയുടെ മാറില്‍ ഈ വിടര്‍ന്ന നീര്‍ക്കുമിളകളില്‍
ഈറനായ നദിയുടെ മാറില്‍ ഈ വിടര്‍ന്ന നീര്‍ക്കുമിളകളില്‍
വേര്‍പെടുന്ന വേദനയോ വേരിടുന്ന നിര്‍വൃതിയോ
ഓമലേ ആരോമലേ ഒന്നു ചിരിക്കൂ ഒരിക്കല്‍ക്കൂടി

ആയിരം പാദസരങ്ങള്‍ കിലുങ്ങി ആലുവാപ്പുഴ പിന്നെയുമൊഴുകി

ഈ നിലാവും ഈ കുളിര്‍ കാറ്റും ഈ പളുങ്ക് കല്‍പ്പടവുകളും
ഈ നിലാവും ഈ കുളിര്‍ കാറ്റും ഈ പളുങ്ക് കല്‍പ്പടവുകളും
ഓടിയെത്തും ഓര്‍മ്മകളില്‍ ഓമലാളിന്‍ ഗദ്ഗദവും
ഓമലേ ആരോമലേ ഒന്നു ചിരിക്കൂ ഒരിക്കല്‍ കൂടി

ആയിരം പാദസരങ്ങള്‍ കിലുങ്ങി ആലുവാപ്പുഴ പിന്നെയുമൊഴുകി
ആരും കാണാതെ ഓളവും തീരവും ആലിംഗനങ്ങളില്‍ മുഴുകി..മുഴുകി
ആയിരം പാദസരങ്ങള്‍ കിലുങ്ങി ആലുവാപ്പുഴ പിന്നെയുമൊഴുകി

Download

സന്യാസിനീ നിന്‍ (Sanyasini Nin)

ചിത്രം:രാജഹംസം (Rajahamsam)

രചന:വയലാര്‍

സംഗീതം:ജി.ദേവരാജന്‍

ആലാപനം:യേശുദാസ്‌

സന്യാസിനീ... ഓ ഓ ഓ

സന്യാസിനീ നിന്‍ പുണ്യാശ്രമത്തില്‍ ഞാന്‍ സന്ധ്യാപുഷ്പവുമായ് വന്നു
ആരും തുറക്കാത്ത പൂമുഖവാതിലില്‍ അന്യനെ പോലെ ഞാന്‍ നിന്നു
സന്യാസിനീ നിന്‍ പുണ്യാശ്രമത്തില്‍ ഞാന്‍ സന്ധ്യാപുഷ്പവുമായ് വന്നു

നിന്റെ ദു:ഖാര്‍ദ്രമാം മൂകാശ്രുധാരയില്‍ എന്റെ സ്വപ്നങ്ങളലിഞ്ഞു
സഗദ്ഗദം എന്റെ മോഹങ്ങള്‍ മരിച്ചു
നിന്റെ ദു:ഖാര്‍ദ്രമാം മൂകാശ്രുധാരയില്‍ എന്റെ സ്വപ്നങ്ങളലിഞ്ഞു
സഗദ്ഗദം എന്റെ മോഹങ്ങള്‍ മരിച്ചു
നിന്റെ മനസ്സിന്റെ തീക്കനല്‍ക്കണ്ണില്‍ വീണെന്റെയീ പൂക്കള്‍ കരിഞ്ഞു
രാത്രി പകലിനോടെന്ന പോലെ യാത്ര ചോദിപ്പൂ ഞാന്‍

സന്യാസിനീ നിന്‍ പുണ്യാശ്രമത്തില്‍ ഞാന്‍ സന്ധ്യാപുഷ്പവുമായ് വന്നു

നിന്റെ ഏകാന്തമാം ഓര്‍മ്മതന്‍ വീഥിയില്‍ എന്നെ എന്നെങ്കിലും കാണും
ഒരിക്കല്‍ നീ എന്റെ കാല്‍പ്പാടുകള്‍ കാണും
നിന്റെ ഏകാന്തമാം ഓര്‍മ്മതന്‍ വീഥിയില്‍ എന്നെ എന്നെങ്കിലും കാണും
ഒരിക്കല്‍ നീ എന്റെ കാല്‍പ്പാടുകള്‍ കാണും
അന്നുമെന്‍ ആത്മാവ്‌ നിന്നോട്‌ മന്ത്രിക്കും നിന്നെ ഞാന്‍ സ്നേഹിച്ചിരുന്നു
രാത്രി പകലിനോടെന്ന പോലെ യാത്ര ചോദിപ്പൂ ഞാന്‍

സന്യാസിനീ നിന്‍ പുണ്യാശ്രമത്തില്‍ ഞാന്‍ സന്ധ്യാപുഷ്പവുമായ് വന്നു
ആരും തുറക്കാത്ത പൂമുഖവാതിലില്‍ അന്യനെ പോലെ ഞാന്‍ നിന്നു
സന്യാസിനീ... ഓ ഓ ഓ

Download

സുമംഗലീ നീ ഓര്‍മ്മിക്കുമോ (Sumangali Nee Ormikkumo)

ചിത്രം:വിവാഹിത (Vivahitha)

രചന:വയലാര്‍

സംഗീതം:ജി.ദേവരാജന്‍

ആലാപനം:യേശുദാസ്‌

സുമംഗലീ നീ ഓര്‍മ്മിക്കുമോ സ്വപ്നത്തിലെങ്കിലും ഈ ഗാനം
ഒരു ഗദ്ഗദമായ് മനസ്സിലലിയും ഒരു പ്രേമകഥയിലെ ദുഃഖഗാനം
സുമംഗലീ നീ ഓര്‍മ്മിക്കുമോ സ്വപ്നത്തിലെങ്കിലും ഈ ഗാനം

പിരിഞ്ഞുപോകും നിനക്കിനിയിക്കഥ മറക്കുവാനേ കഴിയൂ
പിരിഞ്ഞുപോകും നിനക്കിനിയിക്കഥ മറക്കുവാനേ കഴിയൂ
നിറഞ്ഞമാറിലെ ആദ്യനഖക്ഷതം മറയ്ക്കുവാനേ കഴിയൂ കൂന്തലാല്‍
മറയ്ക്കുവാനേ കഴിയൂ

സുമംഗലീ നീ ഓര്‍മ്മിക്കുമോ സ്വപ്നത്തിലെങ്കിലും ഈ ഗാനം

കൊഴിഞ്ഞ പീലികള്‍ പെറുക്കിയെടുക്കും കൂടുകെട്ടും ഹൃദയം
കൊഴിഞ്ഞ പീലികള്‍ പെറുക്കിയെടുക്കും കൂടുകെട്ടും ഹൃദയം
വിരിഞ്ഞപൂവിനും വീണപൂവിനും വിരുന്നൊരുക്കും ഹൃദയം എപ്പൊഴും
വിരുന്നൊരുക്കും ഹൃദയം

സുമംഗലീ നീ ഓര്‍മ്മിക്കുമോ സ്വപ്നത്തിലെങ്കിലും ഈ ഗാനം
ഒരു ഗദ്ഗദമായ് മനസ്സിലലിയും ഒരു പ്രേമകഥയിലെ ദുഃഖഗാനം
സുമംഗലീ നീ ഓര്‍മ്മിക്കുമോ സ്വപ്നത്തിലെങ്കിലും ഈ ഗാനം



Download

പണ്ടൊരു കാട്ടിലൊരാണ്‍ (Pandorukattiloran)

ചിത്രം:സന്ദര്‍ഭം (Sandharbam)

രചന:പൂവച്ചല്‍ ഖാദര്‍

സംഗീതം:ജോണ്‍സണ്‍

ആലാപനം:യേശുദാസ്‌

മ്  മ്  മ്  മ്  മ്  മ്  മ്  മ്  മ്  മ്  മ്  മ് 

പണ്ടൊരു കാട്ടിലൊരാണ്‍ സിംഹം മദിച്ചു വാണിരുന്നു

പണ്ടൊരു കാട്ടിലൊരാണ്‍ സിംഹം മദിച്ചു വാണിരുന്നു
ജീവികള്‍ക്കെല്ലാം ശല്യമായ് എങ്ങും മേഞ്ഞിരുന്നൂ
സിംഹം എങ്ങും മേഞ്ഞിരുന്നു

കാനനം മഞ്ഞില്‍ മുങ്ങും നാളൊന്നില്‍ കണ്ടെത്തി സിംഹം ഒരു മാന്‍ പേടയെ

കാനനം മഞ്ഞില്‍ മുങ്ങും നാളൊന്നില്‍ കണ്ടെത്തി സിംഹം ഒരു മാന്‍ പേടയെ
രണ്ടൂപേരും സ്നേഹമായ്  ചേര്‍ന്നുവാഴും വേളയായ്
ജീവിതം സൗമ്യമായ് നീങ്ങിടും കാലം പൂവിടും താലം

പണ്ടൊരു കാട്ടിലൊരാണ്‍ സിംഹം മദിച്ചു വാണിരുന്നു

അന്നൊരു ചെയ്യാത്തെറ്റിന്‍ ഭാരവും പ്പേറിയാ സിംഹം നൊന്തു നീറീ‍ടവേ

അന്നൊരു ചെയ്യാത്തെറ്റിന്‍ ഭാരവും പ്പേറിയാ സിംഹം നൊന്തു നീറീ‍ടവേ

ഒന്നുമൊന്നും മിണ്ടാതെ വേര്‍പിരിഞ്ഞൂ പേടമാന്‍
ഏകനായ് സിംഹമോ ഇന്നും കേഴുന്നു കാടും തേങ്ങുന്നു

പണ്ടൊരു കാട്ടിലൊരാണ്‍ സിംഹം മദിച്ചു വാണിരുന്നു
ജീവികള്‍ക്കെല്ലാം ശല്യമായ് എങ്ങും മേഞ്ഞിരുന്നൂ 

സിംഹം എങ്ങും മേഞ്ഞിരുന്നു

എങ്ങും.....മേഞ്ഞിരുന്നു

Download

മറന്നോ നീ നിലാവില്‍ (Maranno Nee Nilavil)

ചിത്രം:ഫൈവ് സ്റ്റാര്‍ ഹോസ്പിറ്റല്‍ (Five Star Hospital)
രചന:യൂസഫലി കേച്ചേരി
സംഗീതം:ബോംബെ രവി
ആലാപനം:യേശുദാസ്‌

മറന്നോ നീ നിലാവില്‍ നമ്മളാദ്യം കണ്ടൊരാരാത്രി

മറന്നോ നീ നിലാവില്‍ നമ്മളാദ്യം കണ്ടൊരാരാത്രി

മറന്നോ നീ നിലാവില്‍ നമ്മളാദ്യം കണ്ടൊരാരാത്രി
കലാലോലം കടാക്ഷങ്ങള്‍ മനസ്സില്‍ കൊണ്ടൊരാരാത്രി
കലാലോലം കടാക്ഷങ്ങള്‍ മനസ്സില്‍ കൊണ്ടൊരാരാത്രി

മറന്നോ നീ നിലാവില്‍ നമ്മളാദ്യം കണ്ടൊരാരാത്രി

പ്രിയേ നിന്‍ ഹാസ കൗമുദിയില്‍ പ്രശോഭിതം എന്റെ സ്മൃതിനാളം
പ്രിയേ നിന്‍ ഹാസ കൗമുദിയില്‍ പ്രശോഭിതം എന്റെ സ്മൃതിനാളം
സദാ പൊരിയുന്ന ചിന്തയില്‍ നീ സഖീ കുളിരാര്‍ന്ന കുഞ്ഞോളം
സദാ പൊരിയുന്ന ചിന്തയില്‍ നീ സഖീ കുളിരാര്‍ന്ന കുഞ്ഞോളം

മറന്നോ നീ നിലാവില്‍ നമ്മളാദ്യം കണ്ടൊരാരാത്രി

എരിഞ്ഞു മൂക വേദനയില്‍ പ്രഭാമയം എന്റെ ഹര്‍ഷങ്ങള്‍
എരിഞ്ഞു മൂക വേദനയില്‍ പ്രഭാമയം എന്റെ ഹര്‍ഷങ്ങള്‍
വൃഥാ പരിശൂന്യനിമിഷങ്ങള്‍ സുധാരസ രമ്യ യാമങ്ങള്‍
വൃഥാ പരിശൂന്യനിമിഷങ്ങള്‍ സുധാരസ രമ്യ യാമങ്ങള്‍
മറന്നോ നീ നിലാവില്‍

മറന്നോ നീ നിലാവില്‍ നമ്മളാദ്യം കണ്ടൊരാരാത്രി

മറന്നോ നീ നിലാവില്‍ നമ്മളാദ്യം കണ്ടൊരാരാത്രി
കലാലോലം കടാക്ഷങ്ങള്‍ മനസ്സില്‍ കൊണ്ടൊരാരാത്രി
കലാലോലം കടാക്ഷങ്ങള്‍ മനസ്സില്‍ കൊണ്ടൊരാരാത്രി

മറന്നോ നീ നിലാവില്‍ നമ്മളാദ്യം കണ്ടൊരാരാത്രി

Download

നീര്‍പ്പളുങ്കുകള്‍ (Neerpalunkukal)

ചിത്രം:ഗോഡ് ഫാദര്‍ (Godfather)

രചന:ബിച്ചു തിരുമല

സംഗീതം:എസ്.ബാലകൃഷ്ണന്‍

ആലാപനം:എം.ജി.ശ്രീകുമാര്‍

നീര്‍പ്പളുങ്കുകള്‍ ചിതറിവീഴുമീ നിമിഷസാഗരം ശാന്തമാകുമോ

അകലെ അകലെ എവിടെയോ നോവിന്‍ അലഞൊറിഞ്ഞുവോ
നീര്‍പ്പളുങ്കുകള്‍ ചിതറിവീഴുമീ നിമിഷസാഗരം ശാന്തമാകുമോ

നീലമേഘമേ നിന്റെയുള്ളിലേ നൊമ്പരങ്ങളും പെയ്തൊഴിഞ്ഞുവോ
കണ്ണുനീര്‍ കണം കന്മദങ്ങളായ്  കല്ലിനുള്ളിലും ഈറനേകിയോ
തേങ്ങുമ്പോഴും തേടുന്നു നീ വേഴാമ്പലിന്‍ കേഴും മനം
ഏതേതോ കനവിന്റെ  കനിവിന്റെ  തീരങ്ങളില്‍
നോവിന്‍ തിര ഞൊറിഞ്ഞുവോ

നീര്‍പ്പളുങ്കുകള്‍ ചിതറിവീഴുമീ നിമിഷസാഗരം ശാന്തമാകുമോ

പിന്‍നിലാവുമായ് മാഞ്ഞ പഞ്ചമി രാക്കിനാവില്‍ നീ യാത്രയാകയോ
നീന്തി നീന്തി നിന്‍ പാല്‍നയമ്പുകള്‍ പാതി തേഞ്ഞതും നീ മറന്നുവോ
ശശികാന്തമായി അലിയുന്നു നിന്‍ ചിരിയുണ്ണൂവാന്‍ കിളിമാനസം 

ഓരോരോ കരിമേഘനിഴലായ് മൂടുന്നുവോ
രാവിന്‍ മിഴി നനഞ്ഞുവോ

നീര്‍പ്പളുങ്കുകള്‍ ചിതറിവീഴുമീ നിമിഷസാഗരം ശാന്തമാകുമോ

ശാന്തമാകുമോ

Download

നിന്നോടെനിക്കുള്ള പ്രണയം (Ninnodenikkulla Pranayam)

ചിത്രം:ഡോക്ടര്‍ ലവ്  (Doctor Love)

രചന:വയലാര്‍ ശരത് ചന്ദ്ര വര്‍മ

സംഗീതം:വിനു തോമസ്‌

ആലാപനം:റിയ രാജു

നിന്നോടെനിക്കുള്ള പ്രണയം ചൊല്ലുവാന്‍ ഞാന്‍ കാത്തിരുന്ന ദിനം

നിന്നോടെനിക്കുള്ള പ്രണയം ചൊല്ലുവാന്‍ ഞാന്‍ കാത്തിരുന്ന ദിനം
പ്രണയം പറഞ്ഞിടാന്‍ വയ്യാതെ നിന്നെ ഞാന്‍ പ്രണയിക്കുമീ സുദിനം
നിന്നെ പ്രണയിക്കുമീ സുദിനം
നിന്നോടെനിക്കുള്ള പ്രണയം..പ്രണയം...പ്രണയം

അരികില്‍ വീണ്ടും വിടരാന്‍ നമ്മള്‍ ശലഭങ്ങളാകുന്ന സുദിനം
അരികില്‍ വീണ്ടും വിടരാന്‍ നമ്മള്‍ ശലഭങ്ങളാകുന്ന സുദിനം
പറയാനേറേ പറയാതെ മൗനം അരികെ അണയും നിമിഷങ്ങള്‍
കള്ളനും കള്ളിയും കടമിഴിയാലോരോ കഥ പറയും സുദിനം
കളമെഴുതും സുദിനം

നിന്നോടെനിക്കുള്ള പ്രണയം...പ്രണയം...പ്രണയം

അഴകുള്ള കൗമാരം കനവിന്റെ താലത്തില്‍ നിറമേഴുമാടുന്ന സുദിനം
അഴകുള്ള കൗമാരം കനവിന്റെ താലത്തില്‍ നിറമേഴുമാടുന്ന സുദിനം
കരളില്‍ നീളേ നുര പോലെ മോഹം വിടരും പടരും കുളിരോടേ
വിങ്ങുമീ സന്ധ്യയില്‍ പിരിയുവാനാകാതെ വിരഹിതമായ് മൗനം
വിട പറയുന്ന ദിനം

നിന്നോടെനിക്കുള്ള പ്രണയം ചൊല്ലുവാന്‍ ഞാന്‍ കാത്തിരുന്ന ദിനം
പ്രണയം പറഞ്ഞിടാന്‍ വയ്യാതെ നിന്നെ ഞാന്‍ പ്രണയിക്കുമീ സുദിനം
നിന്നെ പ്രണയിക്കുമീ സുദിനം
നിന്നോടെനിക്കുള്ള പ്രണയം..പ്രണയം...പ്രണയം

Download