പാതിരാമഴയേതോ(Pathiramazhayetho)

ചിത്രം: ഉള്ളടക്കം(Ulladakkam)
രചന: കൈതപ്രം
സംഗീതം:ഔസേപ്പച്ചന്‍
ആലാപനം:യേശുദാസ്‌

പാതിരാമഴയേതോ ഹംസഗീതം പാടി
വീണ പൂവിതളെ‍ങ്ങോ പിന്‍ നിലാവിലലിഞ്ഞു
നീല വാര്‍മുകിലോരം ചന്ദ്ര ഹൃദയം  തേങ്ങീ
പാതിരാമഴയേതോ ഹംസഗീതം പാടി

കൂരിരുള്‍ ചിമിഴില്‍ ഞാനും മൗനവും മാത്രം
മിന്നിയുലയും വ്യാമോഹ ജ്വാലയാളുകയായ്
എന്റെ  ലോകം നീ മറന്നോ
എന്റെ  ലോകം നീ മറന്നോ
ഓര്‍മ്മ പോലും മാഞ്ഞു പോകുവതെന്തേ
                                               
പാതിരാമഴയേതോ ഹംസഗീതം പാടി

ശൂന്യ വേദികയില്‍ കണ്ടൂ നിന്‍ നിഴല്‍ചന്തം
കരിയിലക്കരയായ് മാറീ സ്നേഹ സാമ്രാജ്യം
ഏകയായ് നീ പോവതെവിടെ
ഏകയായ് നീ പോവതെവിടെ
ഓര്‍മ്മ  പോലും മാഞ്ഞു  പോകുവതെന്തേ
                                               
പാതിരാമഴയേതോ ഹംസഗീതം പാടി
വീണ പൂവിതളെ‍ങ്ങോ പിന്‍ നിലാവിലലിഞ്ഞു
നീല വാര്‍മുകിലോരം ചന്ദ്ര ഹൃദയം  തേങ്ങീ
മ്....മ്....മ്.......മ്........മ്......മ്..



Download