Sunday, January 8, 2012

അമ്പലപ്പുഴെ (Ambalappuzhe)

ചിത്രം:അദ്വൈതം (Adwaitham)
രചന:കൈതപ്രം
സംഗീതം:എം.ജി.രാധാകൃഷ്ണന്‍
ആലാപനം:എം.ജി.ശ്രീകുമാര്‍ ,ചിത്ര

അമ്പലപ്പുഴെ ഉണ്ണിക്കണ്ണനോടു നീ എന്തു പരിഭവം മെല്ലെയോതിവന്നുവോ
കല്‍വിളക്കുകള്‍ പാതിമിന്നി നില്‍ക്കവേ എന്തു നല്‍കുവാനെന്നെ കാത്തു നിന്നു നീ
തൃപ്രസാദവും മൗന ചുംബനങ്ങളും പങ്കുവെക്കാനോടി വന്നതാണു ഞാന്‍
രാഗചന്ദനം നിന്റെ നെറ്റിയില്‍ തൊടാന്‍ ഗോപകന്യയായോടി വന്നതാണു ഞാന്‍
അമ്പലപ്പുഴെ ഉണ്ണിക്കണ്ണനോടു നീ എന്തു പരിഭവം മെല്ലെയോതിവന്നുവോ

ആ ആ ആ  ആ ആ  ആ

അഗ്നിസാക്ഷിയായ് ഇലത്താലിചാര്‍ത്തിയെന്‍ ആദ്യാനുരാഗം ധന്യമാകും
മന്ത്രകോടിയില്‍ ഞാന്‍ മൂടി നില്‍ക്കവേ ആദ്യാഭിലാഷം സഫലമാകും
നാലാളറിയേ കൈപിടിക്കും തിരുനാടകശാലയില്‍ ചേര്‍ന്നു നില്‍ക്കും
നാലാളറിയേ കൈപിടിക്കും തിരുനാടകശാലയില്‍ ചേര്‍ന്നു നില്‍ക്കും
യമുനാ നദിയായ് കുളിരലയിളകും നിനവില്‍ 

അമ്പലപ്പുഴെ ഉണ്ണിക്കണ്ണനോടു നീ എന്തു പരിഭവം മെല്ലെയോതിവന്നുവോ

ഈറനോടെയെന്നും കൈവണങ്ങുമെന്‍ നിര്‍മ്മാല്യപുണ്യം പകര്‍ന്നു തരാം
ഏറെജന്മമായ് ഞാന്‍ നോമ്പുനോല്‍ക്കുമെന്‍ കൈവല്യമെല്ലാം കാഴ്ചവെയ്ക്കാം
വേളിപ്പെണ്ണായ് നീവരുമ്പോള്‍ നല്ലോലക്കുടയില്‍ ഞാന്‍ കൂട്ടുനില്‍ക്കാം
വേളിപ്പെണ്ണായ് നീവരുമ്പോള്‍ നല്ലോലക്കുടയില്‍ ഞാന്‍ കൂട്ടുനില്‍ക്കാം
തുളസീദളമായ് തിരുമലരടികളില്‍വീണെന്‍ 

അമ്പലപ്പുഴെ ഉണ്ണിക്കണ്ണനോടു നീ എന്തു പരിഭവം മെല്ലെയോതിവന്നുവോ

കല്‍വിളക്കുകള്‍ പാതിമിന്നി നില്‍ക്കവേ എന്തു നല്‍കുവാനെന്നെ കാത്തു നിന്നു നീ
തൃപ്രസാദവും മൗന ചുംബനങ്ങളും പങ്കുവെക്കാനോടി വന്നതാണു ഞാന്‍
രാഗചന്ദനം നിന്റെ നെറ്റിയില്‍ തൊടാന്‍ ഗോപകന്യയായോടി വന്നതാണു ഞാന്‍



Download

No comments:

Post a Comment