Tuesday, November 20, 2012

അണിയമ്പൂ (Aniyampoo)

ചിത്രം:ഡാര്‍ലിംഗ് ഡാര്‍ലിംഗ്  (Darling Darling)
രചന:എസ് .രമേശന്‍ നായര്‍
സംഗീതം:ഒസേപ്പച്ചന്‍
ആലാപനം:എം.ജി.ശ്രീകുമാര്‍ ,സന്തോഷ്‌ കേശവ് 

അണിയമ്പൂ മുറ്റത്ത് വളര്‍മാവിന്‍ കൊമ്പത്ത്
ഇണമുണ്ടും തോരയിടുന്നു പൂമ്പുലരി പെണ്ണാള്
മാനത്തെ കടവില്‍ മരതകപ്പടവില്‍
നിറമുള്ള നിഴലായ് മറയുന്നതാര്
ഉം..ഉം..ഉം..ഉം..ഉം..ഉം

അണിയമ്പൂ മുറ്റത്ത് വളര്‍മാവിന്‍ കൊമ്പത്ത്
ഇണമുണ്ടും തോരയിടുന്നു പൂമ്പുലരി പെണ്ണാള്

ഓ ഓ മുകിലിന്‍ തട്ടകത്തില്‍ മുടി മിനുക്കം
കടലിന്‍ പെട്ടകത്തില്‍ കണ്‍മഷിത്തിളക്കം
ഓ കിളി തന്‍ കൊഞ്ചലിലാ വള കിലുക്കം
പുഴ തന്‍ പുഞ്ചിരിയില്‍ കാല്‍ത്തള ഇളക്കം
മധുരം മറന്നാല്‍ പോലും
തേനേ നീ അവളോട് മൊഴി ചോദിക്കൂ
ആരോ ഇളം കാറ്റു പോലെ

അണിയമ്പൂ മുറ്റത്ത് വളര്‍മാവിന്‍ കൊമ്പത്ത്
ഇണമുണ്ടും തോരയിടുന്നു പൂമ്പുലരി പെണ്ണാള്

ഓ  ഒരു നാള്‍ ഞാന്‍ അവള്‍ക്ക് താലി കെട്ടും
ഹൃദയം വാര്‍മുടിയില്‍ താമരയാക്കും
ഓ  പനിനീര്‍ ചെമ്പകത്തില്‍ പായ് വിരിക്കും
പവിഴം കൊണ്ടവള്‍ക്ക് പടിപ്പുര തീര്‍ക്കും
മിഴികള്‍ തളരും നേരം
മാനേ നീയവളോടു മഷി ചോദിക്കൂ
ആരോ ഇളം കാറ്റു പോലെ

അണിയമ്പൂ മുറ്റത്ത് വളര്‍മാവിന്‍ കൊമ്പത്ത്
ഇണമുണ്ടും തോരയിടുന്നു പൂമ്പുലരി പെണ്ണാള്

മാനത്തെ കടവില്‍ മരതകപ്പടവില്‍
നിറമുള്ള നിഴലായ് മറയുന്നതാര്
ആരോ ആരോ ഇളം കാറ്റു പോലെ



Download

No comments:

Post a Comment