ഒരു രൂപാ നോട്ട് (Oru Roopa Note)

ചിത്രം:ലോട്ടറി ടിക്കറ്റ്‌  (Lottery Ticket)
രചന:ശ്രീകുമാരന്‍ തമ്പി
സംഗീതം:വി.ദക്ഷിണാമൂര്‍ത്തി
ആലാപനം:അടൂര്‍ ഭാസി

ഒരു രൂപാ നോട്ട് കൊടുത്താല്‍ ഒരു ലക്ഷം കൂടെ പോരും

ഒരു രൂപാ നോട്ട് കൊടുത്താല്‍ നീ കൊടുത്താല്‍

ഒരു ലക്ഷം കൂടെ പോരും
ഭാരം താങ്ങി തളരുന്നവരെ ഭാഗ്യം നിങ്ങളെ തേടിനടപ്പൂ
വരുവിന്‍ നിങ്ങള്‍ വരുവിന്‍
മായമില്ല മന്ത്രമില്ല ജാലവുമില്ല
ഒരു രൂപാ നോട്ട് കൊടുത്താല്‍ ഒരു ലക്ഷം കൂടെ പോരും

ലോട്ടറിയായി നടന്നൊരു പയ്യന്‍ കോട്ടയത്തുകാരന്‍ 

അവന്‍ നോട്ടൊരെണ്ണം മാറി ചെറിയൊരു ലോട്ടറിക്കുറി വാങ്ങി
ഭാഗ്യം കയറിവരുന്ന രഹസ്യം പാവം പയ്യനറിഞ്ഞോ

ഭാഗ്യം കേറിവരുന്ന രഹസ്യം പാവം പയ്യനറിഞ്ഞോ
അമ്പിളി പോലൊരു പെണ്ണും കെട്ടി
ഇമ്പാലായില്‍ നടപ്പൂ അവനിന്നിമ്പാലായില്‍ നടപ്പൂ

ഒരു രൂപാ നോട്ട് കൊടുത്താല്‍ ഒരു ലക്ഷം കൂടെ പോരും

കാല്‍നട മാറ്റാം സവാരി ചെയ്യാന്‍ കാറു വാങ്ങിക്കാം
വീട്ടിചെണ്ടപോല്‍ വീങ്ങിയ പെണ്ണിനെ ഒടനെ കെട്ടിക്കാം
പതിവായ്‌ തോറ്റു പഠിത്തം നിര്‍ത്തിയ ഹിപ്പിച്ചെങ്ങാതി
പുതിയൊരു ട്യൂട്ടോറിയല് തുടങ്ങാം പ്രിന്‍സിപ്പാളാകാം
ഓസില്‍ പ്രിന്‍സിപ്പാളാകാം
വരുവിന്‍ നിങ്ങള്‍ വരുവിന്‍

ഒരു രൂപാ നോട്ട് കൊടുത്താല്‍ ഒരു ലക്ഷം കൂടെ പോരും

ലക്ഷം രൂപാ കയ്യില്‍ വന്നാല്‍ കക്ഷികള്‍ കക്ഷത്തിലായീടും
എലക്ഷനു നില്‍ക്കാം കാലൊന്നു മാറ്റാം മന്ത്രിയുമായീടാം
ചുളുവില്‍ മന്ത്രിയുമായീടാം

ഒരു രൂപാ നോട്ട് കൊടുത്താല്‍ ഒരു ലക്ഷം കൂടെ പോരും

ഭാരം താങ്ങി തളരുന്നവരെ ഭാഗ്യം നിങ്ങളെ തേടിനടപ്പൂ
വരുവിന്‍ നിങ്ങള്‍ വരുവിന്‍
മായമില്ല മന്ത്രമില്ല ജാലവുമില്ല

Download