Thursday, February 7, 2013

ഹൃദയമുരുകി നീ (Hrudayamuruki Nee)

ചിത്രം:കറുത്ത പൗര്‍ണമി (Karutha Pournami)
രചന:പി.ഭാസ്കരന്‍
സംഗീതം:എം.കെ.അര്‍ജുനന്‍
ആലാപനം‌:യേശുദാസ്

ഹൃദയമുരുകി നീ കരയില്ലെങ്കില്‍
കദനം നിറയുമൊരു കഥപറയാം
തകരുമെന്‍ സങ്കല്പത്തിന്‍ തന്ത്രികള്‍ മീട്ടി
തരളമധുരമൊരു പാട്ടുപാടാം പാട്ടുപാടാം
ഹൃദയമുരുകി നീ കരയില്ലെങ്കില്‍
കദനം നിറയുമൊരു കഥപറയാം

ബാല്യത്തിന്‍ മലര്‍വനം കാലം ചുട്ടെരിച്ചപ്പോള്‍
ബാഷ്പത്താലെഴുതിയ കവിത പാടാം
ഉയരുമെന്‍ ഗദ്ഗദം തടയുകില്ലെങ്കില്‍ ഞാന്‍
കരളിന്റെ കരളിലെ കവിത പാടാം

ഹൃദയമുരുകി നീ കരയില്ലെങ്കില്‍
കദനം നിറയുമൊരു കഥപറയാം

ആഴക്കുകണ്ണീരില്‍ എന്‍ സ്നേഹസ്വപ്നത്തിന്‍
അരയന്നം മുങ്ങിച്ചത്ത കഥ പറയാം
ആഴക്കുകണ്ണീരില്‍ എന്‍ സ്നേഹസ്വപ്നത്തിന്‍
അരയന്നം മുങ്ങിച്ചത്ത കഥ പറയാം
സകലവും നഷ്ടപ്പെട്ടു ചുടുകാട്ടിലലയുന്ന
സാധുവാമിടയന്റെ കഥപറയാം

ഹൃദയമുരുകി നീ കരയില്ലെങ്കില്‍
കദനം നിറയുമൊരു കഥപറയാം
തകരുമെന്‍ സങ്കല്പത്തിന്‍ തന്ത്രികള്‍ മീട്ടി
തരളമധുരമൊരു പാട്ടുപാടാം പാട്ടുപാടാം
ഹൃദയമുരുകി നീ കരയില്ലെങ്കില്‍
കദനം നിറയുമൊരു കഥപറയാം



Download

No comments:

Post a Comment