Sunday, January 27, 2013

ചൂളമടിച്ചു കറങ്ങി (Choolamadichu Karangi)

ചിത്രം:സമ്മര്‍ ഇന്‍ ബത് ലഹേം (Summer In Bethlehem)
രചന:ഗിരീഷ്‌ പുത്തഞ്ചേരി
സംഗീതം:വിദ്യാസാഗര്‍
ആലാപനം‌:ചിത്ര

ചൂളമടിച്ചു കറങ്ങി നടക്കും ചോലക്കുയിലിനു കല്യാണം ഓ ഓ
ആലിന്‍ കൊമ്പത്തന്തിയുറങ്ങണൊരോലേഞ്ഞാലിയ്ക്കു പൂത്താലി ഓ ഓ
ആറ്റിലൊളിച്ചു കളിക്കണ മീനേ കാട്ടില്‍ കുറുകുഴലൂതണ കാറ്റേ
ആറ്റിലൊളിച്ചു കളിക്കണ മീനേ കാട്ടില്‍ കുറുകുഴലൂതണ കാറ്റേ
കാല്‍ത്തള കെട്ടി കൈവള ചാര്‍ത്തി കല്യാണത്തിനു കൂടേണ്ടേ ഓ ഓ
ചൂളമടിച്ചു കറങ്ങി നടക്കും ചോലക്കുയിലിനു കല്യാണം ഓ ഓ

മയിലാഞ്ചിക്കുന്നും മേലേ വെയില്‍കായും മാടത്തത്തേ
മാറ്റേറും മയ്യുണ്ടോ കണ്ണെഴുതാന്‍
ആമാടപ്പെട്ടി തുറക്കും മലര്‍മാസ ചിങ്ങനിലാവേ
നിന്‍ കൈയ്യില്‍ മിന്നുണ്ടോ പൊന്നുരുക്കാന്‍
നിഴലോലത്തുമ്പില്‍ താണാടുമ്പോള്‍ സിന്ദൂരം വാരിത്തൂവി സായംകാലം
നിഴലോലത്തുമ്പില്‍ താണാടുമ്പോള്‍ സിന്ദൂരം വാരിത്തൂവി സായംകാലം
ശ്രുതി കൂട്ടി പാടി ദൂരേ രാക്കിളിക്കൂട്ടം
തുടിതാളം കൊട്ടി കുഞ്ഞുകുഞ്ഞാറ്റകള്‍ ഓ ഓ

ചൂളമടിച്ചു കറങ്ങി നടക്കും ചോലക്കുയിലിനു കല്യാണം മ്  മ്  മ്  മ്

പൂവാക ചില്ലയുലയ്ക്കും തൈമാസ തെന്നല്‍ പെണ്ണേ
നീയുണ്ടോ നീരാടാന്‍ നീര്‍പ്പുഴയില്‍
ചെമ്മാനച്ചെപ്പിലൊളിക്കും ചിങ്കാരതാരകുഞ്ഞേ
താലോലം താരാട്ടാം ചായുറക്കാം
നറുമഞ്ഞിന്‍ മുത്തേ നാണിക്കല്ലേ നാടോടിക്കാറ്റിന്‍ കൈയ്യോ നിന്നെ പുല്‍കീ
നറുമഞ്ഞിന്‍ മുത്തേ നാണിക്കല്ലേ നാടോടിക്കാറ്റിന്‍ കൈയ്യോ നിന്നെ പുല്‍കീ
നിറമേഴും ചാര്‍ത്തി നിന്റെ പൂങ്കവിള്‍ ചെണ്ടില്‍
നറുതിങ്കള്‍ പൂത്തു നിന്റെ വാര്‍കൂന്തലില്‍ ഓ ഓ

ചൂളമടിച്ചു കറങ്ങി നടക്കും ചോലക്കുയിലിനു കല്യാണം ഓ ഓ
ആലിന്‍ കൊമ്പത്തന്തിയുറങ്ങണൊരോലേഞ്ഞാലിയ്ക്കു പൂത്താലി ഓ ഓ
ആറ്റിലൊളിച്ചു കളിക്കണ മീനേ കാട്ടില്‍ കുറുകുഴലൂതണ കാറ്റേ
ആറ്റിലൊളിച്ചു കളിക്കണ മീനേ കാട്ടില്‍ കുറുകുഴലൂതണ കാറ്റേ
കാല്‍ത്തള കെട്ടി കൈവള ചാര്‍ത്തി കല്യാണത്തിനു കൂടേണ്ടേ ഓ ഓ



Download

No comments:

Post a Comment